Apna Jalandhar || ਆਪਣਾ ਜਲੰਧਰ

 ਕੋਵਿਡ ਦੇ ਕੇਸਾਂ ਵਿਚ ਜ਼ਿਲਾ ਜਲੰਧਰ ਵਿਚ 660 ਨਵੇਂ ਕੇਸਾਂ ਅਤੇ ਅੱਠ ਮੌਤਾਂ ਨਾਲ ਜ਼ਬਰਦਸਤ ਵਾਧਾ ਹੋਇਆ ਹੈ। ਮਰਨ ਵਾਲਿਆਂ ਦੀ ਗਿਣਤੀ 10-05-2021 ਤੱਕ 1,175 ਪਹੁੰਚ ਗਈ ਹੈ ਅਤੇ ਹੁਣ ਤਕ ਕੁੱਲ ਕੇਸਾਂ ਦੀ ਗਿਣਤੀ 49,856 ਹੈ। ਜ਼ਿਲ੍ਹੇ ਵਿੱਚ ਹੁਣ ਕੁੱਲ 7,404 ਐਕਟਿਵ ਕੇਸ ਹਨ।

ਗਾਂਧੀ ਵਨੀਤਾ ਆਸ਼ਰਮ ਹਜੇ ਵੀ ਕੰਟੇਨਮੈਂਟ ਜ਼ੋਨ ਵਿੱਚ ਹੈ। ਜਲੰਧਰ ਦੇ ਜੋ ਖੇਤਰ ਮਾਈਕਰੋ ਕੰਟੇਨਮੈਂਟ ਜ਼ੋਨ ਦੇ ਅਧੀਨ ਆਉਂਦੇ ਹਨ –

ਬੈਂਕ ਕਲੋਨੀ

ਨੂਰਮਹਿਲ ਦੀ ਮੰਡੀ ਰੋਡ

ਨਿਯੂ ਰਾਜਾ ਗਾਰਡਨ

ਨਿਯੂ ਈਸ਼ਰਪੁਰੀ ਕਲੋਨੀ

ਜਲੰਧਰ ਛਾਉਣੀ ਦਾ ਤੋਪ ਖਾਨਾ ਖੇਤਰ

ਦਿਓਲ ਨਗਰ

ਜਲੰਧਰ ਦੇ ਬਾਵਾ ਖੇਲ ਦੇ ਜੇਪੀ ਨਗਰ ਵਿਖੇ ਐਤਵਾਰ ਨੂੰ ਲਾਕਡਾਊਨ ਦੌਰਾਨ ਮਾਤਾ ਦਾ ਢਾਬਾ ਸਵੇਰੇ 11 ਵਜੇ ਖੁੱਲ੍ਹਾ ਪਾਇਆ ਗਿਆ। ਗਾਹਕ ਵੀ ਉਥੇ ਮੌਜੂਦ ਸਨ। ਪੁਲਿਸ ਨੇ ਕਾਰਵਾਈ ਕਰਦੇ ਹੋਏ ਢਾਬਾ ਮਾਲਕ ਨੂੰ ਗ੍ਰਿਫਤਾਰ ਕੀਤਾ ਅਤੇ ਧਾਰਾ 188 ਤਹਿਤ ਕੇਸ ਦਰਜ ਕੀਤਾ। ਹਾਲਾਂਕਿ ਕੁਝ ਸਮੇਂ ਬਾਅਦ ਢਾਬਾ ਮਾਲਕ ਨੂੰ ਜਮਾਨਤ ਦੇ ਦਿੱਤੀ ਗਈ।    

ਵੱਖ-ਵੱਖ ਰਾਜਾਂ ਤੋਂ ਵੱਡੀ ਗਿਣਤੀ ਵਿੱਚ ਕੋਵਿਡ ਮਰੀਜ਼ ਇਲਾਜ ਲਈ ਜਲੰਧਰ ਪਹੁੰਚ ਰਹੇ ਹਨ। ਜਿਨ੍ਹਾਂ ਵਿਚ ਦਿੱਲੀ, ਹਰਿਆਣਾ, ਹਿਮਾਚਲ ਪ੍ਰਦੇਸ਼, ਉੱਤਰ ਪ੍ਰਦੇਸ਼, ਉਤਰਾਖੰਡ ਅਤੇ ਬਿਹਾਰ ਦੇ ਮਰੀਜ ਸ਼ਾਮਲ ਹਨ।

ਡਿਪਟੀ ਕਮਿਸ਼ਨਰ ਘਣਸ਼ਿਆਮ ਥੋਰੀ ਨੇ ਕਿਹਾ ਕਿ ਉਹ ਜਾਣਦੇ ਹਨ ਕਿ ਦੂਰੋਂ-ਦੁਰਾਡੇ ਦੇ ਮਰੀਜ਼ ਜਲੰਧਰ ਵਿਖੇ ਆਪਣਾ ਇਲਾਜ ਕਰਵਾਉਣ ਦੀ ਮੰਗ ਕਰ ਰਹੇ ਹਨ। “ਅਸੀਂ ਕਿਸੇ ਵੀ ਗੰਭੀਰ ਰੋਗੀ ਨੂੰ ਨਹੀਂ ਮੋੜ ਸਕਦੇ। ਇਹ ਅਣਮਨੁੱਖੀ ਹੋਵੇਗਾ।

 ਦਿੱਲੀ ਸਿੱਖ ਗੁਰਦੁਆਰਾ ਮੈਨੇਜਮੈਂਟ ਕਮੇਟੀ ਵਲੋਂ ਦਿੱਲੀ ਦੇ ਗੁਰਦੁਆਰਾ ਰਕਾਬ ਗੰਜ ਸਾਹਿਬ ‘ਚ 10 ਮਈ ਤੋਂ 250 ਬੈੱਡ ਦਾ ਕੋਵਿਡ ਫੈਸਿਲਿਟੀ ਸੈਂਟਰ ਸ਼ੁਰੂ ਕੀਤਾ ਜਾਵੇਗਾ।

ਇਸ ਸੈਂਟਰ ‘ਚ 250 ਬੈੱਡ ਲਗਾਏ ਗਏ ਹਨ ਜਿਸ ‘ਚ ਆਕਸੀਜਨ ਬੈੱਡ ਵੀ ਹਨ। ਨਾਲ ਹੀ ਕੋਰੋਨਾ ਤੋਂ ਸੰਕਰਮਿਤ ਮਰੀਜ਼ਾਂ ਦਾ ਮੁਫਤ ‘ਚ ਇਲਾਜ ਕੀਤਾ ਜਾਵੇਗਾ।